疫情仍未消退之下，本地遊和酒店住宿Staycation掀起一陣熱潮，唔少酒店都推出「割喉優惠」度過淡季，甚至越出越多玩法，日頭搵個地方歇下又得，秋高氣爽想露營睇星星都得，連毛孩都有得玩埋一份！快手Bookmark定下面幾間，錯過咗就冇喇！
最豪佈置、香檳、鮮花、攝影全包
唔知由幾時開始，Staycation嘅定義已經變成氣球、香檳、鮮花呢三個打卡項目，依家香港JW萬豪酒店一次過滿足哂staycation嘅願望！送你Moët & Chandon香檳一枝、33枝玫瑰花花束，或專業攝影師一小時拍攝服務連30張相不特止，房入面仲經過酒店悉心佈置。餐飲方面包埋自助早餐，同下午茶套餐兩位或港幣$500餐飲禮券喺入住期間或一個月內使用。咁吸引，慶祝生日、求婚、結婚周年嘅諗諗佢～
優惠期：即日起至12月30日
價目：每房每晚港幣$2,480起，所有價目另設10%服務費
需於七日前預訂，確認訂房後不設退款，查詢及預約可透過
電話﹕2810 8366
或網上預訂
最最最尊貴 專屬私人管家
St.Regis 素來都代表著「尊貴」，當然就係酒店獨有嘅私人管家服務，而剛剛推出的「精緻佳餚住宿體驗」更可以話係皇帝式享受，至少由踏入酒店開始，私人管家就會打點一切，有得試盡由Olivier Elzer執掌的米芝蓮一星L’Envol法國餐廳，或者在米芝蓮一星的「潤」中餐廳享受洪志光主廚用心炮製的新派粵菜，或者品嚐由行政總廚Vincent Leroux領廚的歐陸菜The Drawing Room 。當然你更可24小時call 管家幫你安排健身及水療中心等等活動。
推廣期：即日起至11月29日
價目：每房每晚港幣$2,988起，另設10%服務費
電話﹕2138 6888
中環酒店極罕彈性日租
喺市區行街行到攰，又或者想暫時搵個地方輕鬆下、做下嘢，「6/9小時彈性住宿計劃」絕對係你一個好選擇！依家可以按你個人需要，喺朝早6點至下晝6點入住客房6或9個鐘。突然醒起即興節目，仲可以喺入住當日下晝6點免費取消，夠哂彈性！住客可選擇在Gradini意大利餐廳高雅的氣氛下品嚐獲獎名菜。
推廣期：即日起至10月31日
價目：6小時由港幣$690起；9小時由港幣$750起
電話﹕ 2308 3199
灣仔星級酒店 24/12小時任選Package
之前香港君悅酒店都推出過Escape 24住宿優惠，真正俾客人住足24小時，仲有包埋酒店幾間酒餐廳如Grissini意大利餐廳、港灣壹號同茶園嘅午或晚餐。今次順著個勢出埋「12 Hour Escape」，客人可以由上晝8點到晚上8點入住，提供免費打印、Netflix電影串流服務等等，仲有價值$400餐飲服務，適合更精密安排嘅Staycation計劃！
推廣期：入住日期至11月30日
價目：每天港幣$1,000起，另設10%服務費
電話﹕2584 7038
住五星酒店（俾你）服侍主子們
好多狗主或貓奴對於staycation都有個擔憂，就係唔捨得寵物自己喺屋企。依家有酒店仲會貼心地照顧埋寵物需要，Ritz Carlton就推出「寵·愛」住宿之旅，不但可以俾主人帶埋佢心肝，仲提供埋專屬設施，例如睡墊、貓砂、食糧等等，而因為酒店鄰近西九龍文化區，酒店仲細心為客人準備埋野餐籃同寵物小食，好讓客人可以寫意咁Chill住野餐同放電。
推廣期：即日起至另行通知
價目：每房每晚港幣$3,999 起
最少三天前預訂，查詢及預約可透過
電話：2263 2100
海景靚房同主子們嘆下午茶
Staycation期間唔想帶住寵物出街，仲有室內之選！香港瑰麗酒店就推出「寵愛有家」提供寵物床、玩具等禮遇，仲安排咗不同嘅精彩活動，有無諗過主人們可以同寵物一齊食下午茶？一齊做瑜伽？你仲可以加配寵物美容、遛狗服務等等。此外，酒店會捐款予香港愛護動物協會，為無家可歸的動物提供安全環境及為寵物尋覓新主人，客人每次入住都可以幫助到更多動物。
推廣期：即日起至2021年8月24日
價目：每房每晚港幣$4,300起，另設10%服務費
需於七日前預訂，查詢及預約可透過
電話﹕3891 8145
露台獨霸維港海景
早在Staycation風潮開始，K11 ARTUS寓館就已經成為唔少客人嘅心水之選，皆因地理環境優越，房間正對維港海景，完善的配套，當然還有最高規格的住宿體驗，要感受Staycation的標準，其實不可不試。而K11 ARTUS慶祝Victoria Dockside一週年，最新推出「非凡週年全體驗」住宿套餐，透過住宿、購物、飲食及多元化藝術展覽等全方位感受Victoria Dockside嘅魅力，套餐亮點包括： 一房行政公寓一晚住宿、雙人精選早餐、、限量版Van Gogh’s Ear微模型（價值港幣1,000元）、價值港幣1,000元K-Dollars的週年慶禮遇、K11 MUSEA個人造型服務一次等等。
推廣期：即日起至2020年11月8日
價目：每房每晚港幣$5,600起，另設10%服務費
需於七日前預訂，查詢及預約可透過官網
尖沙咀偽隱世5星酒店
尖沙咀實在有唔少hidden gem，例如喺K11嘅凱悅酒店，注目度對比同集團嘅酒店，的確低調，行過K11也不易醒起，酒店設3間餐廳和1間酒吧，包括北歐菜希戈餐廳、中菜凱悅軒、咖啡廳和請請吧，當中凱悅軒更屬我心目中九龍區其中一間最佳中菜。最近酒店推出本地遊住宿計劃，客人可選擇在客房內享用咖啡廳及凱悅軒嘅午餐及晚餐外賣套餐，或者在凱悅軒享用四道菜晚餐，細味新推出嘅富貴乳鴨或乾燒龍蝦火焰菜色。
推廣期：即日起至2020年11月30日
價目：每房每晚港幣$1,380起，另設10%服務費
電話：3721 1333
