News

符致逸結集港韓音樂人 聯手打造新時代音樂世界

符致逸結集港韓音樂人 聯手打造新時代音樂世界

【新聞稿由客戶提供】

符致逸結集港韓音樂人 聯手打造新時代音樂世界
融合Web3無國界平台 創建全新模式唱片公司
孕育不一樣的音樂社區 衝擊樂壇的世代交流

醉心於音樂製作的符致逸(Adrian),2019年離開環球唱片後,靜極思動,最近看中Web3(第三代互聯網)的技術,以去中心化形式建立唱片公司GroundUp Studios,更邀得圈中知名音樂人張德銘(Derrick Sepnio)、Fergus Chow及韓國音樂製作人鄭在允(Jae Chong)率先加盟擔任創作團隊監製,期待發掘更多熱愛音樂的人,為樂壇帶來新衝擊。

Adrian擔任過幕後亦曾經做過歌手,音樂對他來說是生活的一部份:「講返轉頭,寫畀陳奕迅嗰首《我們都寂寞》已經係20年前嘅事,真係好瘋狂,當然我好感恩有呢個機會畀我真正進入音樂圈,後來轉到全職音樂人兼歌手,坦白講,條路真係唔算順利,但係最大嘅得著係令我認識更多同樣熱愛音樂又專業嘅幕前幕後。」

離開了樂壇數年的Adrian,今年以GroundUp Studios聯合創始人的身份正式回歸,他笑謂:「我而家人到中年啦,真係好想為自己、為音樂做一啲嘢,咁啱我留意到Web3嘅發展。其實外國已經好盛行NFT創作同買賣,再深入研究之下,我相信可以引入香港,為新舊音樂人建立一個比較公平、無國界嘅音樂社區,我都知自己係行到好前,哈!」

用音樂搵食好難 期待為新一代創建較公平的收入來源

「而家好多鍾意音樂嘅人,要真真正正用音樂搵到食好難,如果想為歌手寫歌、填詞仲難,畢竟娛樂圈有自己嘅遊戲規則。我就係希望可以藉住自己喺音樂圈嘅知識同人脈,畀個空間新、舊人結合,我最希望可以吸引到一班未被發掘、未被人簽甚至簽了小型公司的獨立人音樂公司的藝人合作,一齊做啲突破性嘅音樂同多媒體音樂藝術項目。」他指現時的區塊鏈技術已經很成熟,加上NFT的發展潛力,Adrian相信這個是新的賺錢方式,讓製作音樂和藝術的人可以賺取額外的收入。

Adrian解釋他的發展藍圖,旨在為樂壇帶來新的衝激:「Web3唔止係科技同技術,仲係一種新的態度,創作一啲大眾唔熟悉嘅音樂與藝術。因為公司會將呢啲作品帶到去全世界嘅市場,呢個就係Web3嘅優點,只要有興趣嘅人買咗我哋嘅NFT,就可以加入我哋提供嘅Discord或者Telegram群組,大家可以喺入面交流、聯繫,可能係導師同學生嘅關係,又可以係互相合作,總之志同道合嘅話就可以做啲crossover,我哋再幫佢推廣出去。傳承係其中一個好重要嘅概念,同樣地就算未真正入行嘅,亦有佢自己嘅天份同創意,呢樣嘢係而家樂壇好需要嘅刺激,我想令音樂圈唔好咁悶,唔好再留喺舊嘅框框入面。」除了期待結集不同的音樂人,Adrian更計劃在不同平台分享音樂知識:「好似我同Fergus有諗過用歌曲講音樂歷史,可能係整個60年代Motown playlist出嚟,聽住歌學嘢,由專業人士傳授佢哋嘅音樂知識。」

曾與王菲、林憶蓮、方大同合作的港韓音樂人強勢加盟 結集世代交流

Fergus Chow是行內資深音樂人,曾為王菲、方大同、陳奐仁及謝安琪的演唱會擔任低音結他手及琴手,又為鄭欣宜、林奕匡、吳雨霏及Twins等製作歌曲,Fergus期待這次的合作,為音樂人帶來更大的創意空間及商業機會:「Web3可以令音樂人更自主咁控制收支,代表住可持續發展嘅音樂道路,我期待同GroundUp嘅Fans同音樂人合作,冇限制,一切都有可能!」曾與Fergus齊齊入圍台灣金曲獎最佳編曲人的Derrick Sepnio亦是合作單位之一,他曾為林憶蓮及方大同製作音樂,對於Web3充滿熱情與希望:「我非常期待與GroundUp Studios的合作,創新科技總是能夠促進個人及社會接觸嶄新的做事方式。相信憑着我個人的音樂製作及舞台表演經驗,再加上一眾Fans的獨特創意及個人想法,將會為業界帶來更多好的音樂作品!」在韓國、台灣及美國同樣炙手可熱的金牌製作人、韓國組合SOLID成員Jae Chong,曾為蔡依林、張惠妹、黃立行及李玟等歌手製作音樂,他期待這次的加盟可以為音樂行業帶來更大的透明度:「我在美國生活,在當地及亞洲地區都有人脈網絡,相信 web3 技術能夠幫助音樂人進行跨地區互動及交流,將所有音樂項目賦予新生命。」

About Author

《男士通信 Men Logic》網站及專頁為一體式網絡全方位資訊平台,「通信(tsūshin)」一字源自日文,有通知、傳訊一類的意思,並以「男孩剛剛成長為男士」這個命題為宗旨,提供給所有仍有著童心的男士均會感到興趣的遊樂資訊。