6個重點！一次搞清楚 Sony A9 為何是市場上真正的旗艦相機

Sony A9 由去年傳聞抄起，到近日終於正式出爐！究竟呢部Sony A7系列用家引頸以待嘅真．旗艦機有咩特點？足夠令一班攝影發燒友同A7用家個個於Facebook瘋狂討論兼轉載？基本規格相信唔駛多講，直接入主題：6個重點一次搞清楚 Sony A9 為何是市場上真正的旗艦相機！

Sony A9 必睇6個重點！

1）真．高速連拍

每秒20張連拍，到底有幾誇張？睇下對手Canon EOS 1DXII既每秒16張同Nikon D5既每秒14張就知。除此之外，A9仲有693個焦點，覆蓋畫面93%，追蹤拍攝對象更加方便。

2）真正解放GM鏡頭潛力

要配合快速連拍，相機加鏡頭對焦速度當然亦要追得上。據外國評測透露，GM鏡頭在A9上對焦速度大躍進，而且快門時滯只有30ms，再加上全靜音無震動電子快門，用係運動拍攝絕對冇難度。最高快門速度達1/32000秒，日光下用大光圈鏡頭唔洗再收光圈了。

3）真．堆疊式CMOS

堆疊式CMOS技術早在2012年發表，但只應用係1寸或以下既CMOS；今次Sony終於將此技術用係A9既24mp全片幅CMOS上面，以進一步提升數據接收速度達20倍(!!!)

4）真．高清無間斷EVF

A9既EVF有成368萬象素，而且完全零延遲，無黑畫面，更新速率可選擇60fps或120fps，即使連拍20張既時候仍然可以清楚睇到拍攝畫面。

5）真心聽取用家訴求

A7系其中一個最為人詬病既地方就係電池容量超低。A9所用既新電池NP-FZ100容量係舊款2.2倍，終於唔洗比人笑要帶多幾舊電出街了！另外用家一直渴求既touch screen、joystick、雙插卡槽，更就手既拍片按鈕位置，A9全部都有，Sony今次咁生性，用家實在倍感安慰。

6）真．旗艦價錢

既然叫得做旗艦機，價錢當然有返咁上下，官方定價為4,499美元，5月開售，各位fans要快D儲定彈藥了。